Опожарена трафостаница предизвика прекин во снабдувањето со струја во Гостивар
Опожарувањето на трафостаница во близината на објектот во кој е сместена противпожарната единица е причината за прекинот во снабдувањето со електрична енергија во Гостивар.
По лоцирањето на дефектот, обезбедено е редовно снабдување на градот, освен во реонот на опожарената трафостаница од која се дистрибуира струја до потрошувачите, информираат од ЕВН Македонија.
- По пријавувањето на дефектот околу 3 часот утрово, дежурни екипи излегле на теренот и го лоцирале дефектот, по што состојбата е нормализирана за поголемиот дел на градското подрачје. По завршувањето на увидот ќе се знае која е причината за пожарот и експлозијата која настанала во внатрешноста на трафостаницата „противпожарен дом“. Од овој дефект дошло до испад на 110 киловолтната станица „Гостивар 1“, преку која се снабдува гостиварскиот регион. Напојувањето, по дваесетина минути, преку диспечерскиот центар е вратено во сите трафостаници, освен во опожарената, изјави Атанас Ковачевски, портпарол на ЕВН Македонија.
Ковачевски нагласи дека нивни екипи работат на санирање на дефектот и најави оти во попладневните часови ќе биде обезбедено редовно снабдување со електрична енергија и на останатиот дел на градот.
Од утрово поширокиот реон околу автобуската станица е без напојување со електрична енергија.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп