Опозциските прашања со обвинувања до власта за трагедијата во Кочани

Левица на сомнителен начин купила деловен простор во центар на Скопје за цена од само 720 евра квадрат иако реалната цена за просторот е неколку кратно поскапа и тоа преку банка и извршител поврзан со случајот Соравија, обвини денеска премиерот Мицкоски на седницата за опозициски пратенички прашања.

Премиерот ги повика истражните органи да се го проверат случајот откако претходно Апасиев го обвини Мицкоски дека одавал службена тајна со тоа што објавил детали за лиценцата на кочанскиот клуб што е дел од истрагата, но и за прикривање на правдата бидејки се откажал од разрешување на обвинителот Коцевски.

И за Блерим Беџети, премиерот предвреме обвинил кадри на ДУИ за фалсифкуваната лиценца на клубот.

Опозцијата со обвинувања за селективност за случајот и во полициските редови. Побараа одговорност од министерот Тошковски. Тој пак, тврди дека како никогаш досега поднесени се 2 кривични пријави за 34 лица, и дека истрагата се уште трае. Неговата морална одговорност е да го расчисти случајот до крај.

Во меѓувреме Левица побара надзорна расправа за случајот во Скобрнаието, а ДУИ пак, и понатаму инсистира на анкетна комсија. И на двете партии им фалат пратенички потписи за и формално да ги поднесат предлозите и бараат поддршка од СДСМ и од ВМРО-ДПМНЕ.