Оперски арии со Ана Синицки на „БитФест“
Битолското културно лето „БитФест“ вечер продолжува со оперски арии во изведба на светски познатата оперска уметница со битолско потекло Ана Синицки, чиј концерт ќе се одржи во салата на клавирите во битолскиот Музеј, во придружба на пијанистката Мери Бојиќ Радојиќ.
Ана Синицки, мецосопран, има бројни меѓународни настапи, во театрите во Сиена, Пјаченца, Милано, Москва, Санкт Петербург... и со престижни оркестри како што се Симфонискиот оркестар „Џузепе Верди“ во Милано, Уметничкиот ансамбл на Министерството за одбрана на Србија „Станислав Бинички“, Младинската Филхармонија Наиссус...
Пред публиката во Битола, Синицки во придружба на пијанистката Мери Бојиќ Радојиќ, исто така позната на меѓународната музичка јавност, ќе приредат вечер на класична и кросовер музика - оперски арии, филмска музика, нумери од мјузикли, наполитански, шпански, руски и англиски песни.
На програмата се арии од Бизе, Росини, Чајковски, музика од филмот „Анастасија“, од мјузиклите „Мојата убава дама“ и „Бакни ме Кејт“, како и друг музички избор од богатиот репертоар.
Ново на Сител
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение
-
Кривична пријава за полициски службеник за малтретирање во вршење на службата
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи