Оман прими 10 затвореници од Гвантанамо

Оман денеска соопшти дека примил 10 затвореници од американскиот воен затвор Гвантанамо. Во соопштението на Министерството за надворешни работи на Оман се наведува дека излегле во пресрет на американското барање за помош во решавањето на прашањето за затворениците од Гвантанамо.

Се уште актуелниот претседател Барак Обама сака да се намали бројот на затвореници во тој американски затвор на Куба.

Американските власти во меѓувреме соопштија дека 19 од преостанатите 55 затвореници наскоро ќе бидат ослободени.

Новиот американски претседател Доналд Трамп смета дека треба не само да се задржи тој зтавор, туку и да се „наполни со лоши момци“.