Оланд најави затворање на најстарата нуклеарна централа во Франција

Францускиот претседател Франсоа Оланд најави синоќа дека оваа година и официјално ќе биде покренат долгиот процес на затворање на најстарата нуклеарна електрана во земјата.

Во говорот посветен на заштитата на животната средина, Оланд рече дека ќе објави декрет си кој би започнал процесот на зтаворање на нуклеарната електрана Фесенејм, на истокот на Франција, во близина на границата со Германија.

- Во тек се преговори на претставниците на државата и на компанијата ЕДФ за условите на тој чекор, објасни Оланд.

Во Франција минатата година е усвоен закон со кој до 2025 година се предвидува намалување на делот на енергијата од нуклеарки на 50 отсто, од сегашните 75, што е повеќе од која и да е друга земја.