Оланд и Путин во Кремљ ќе се координираат во борбата против Исламска држава
Рускиот претседател Владимир Путин денеска во Кремљ ќе се сретне со својот француски колега Франсоа Оланд, за да ги разгледаат прашањата на одговорот на терористичката закана и координацијата на борбата против џихадистичката група Исламска држава, како и за други теми што се наоѓаат на дневниот ред на меѓународната заедница, информира прес службата на Кремљ, цитирана од ТАСС.
На разговорот ќе бидат разгледани и мислењето за целиот комплекс на билатерални односи, се додава во сооштението.
Лидерите на Русија и Франција оваа средба ја договорија на 17 ноември, непосредно по атентатите во Париз.
Во телефонски разговор Путин и Оланд, во светлина на париските атентати и соборувањето на рускиот патнички авион во Египет се договорија да бодат воспоставени потесни контакти и координација на активностите меѓу Министерствата за одбрана и специјалните служби на двете земји во екот на операциите против терористичките структури, изведувани од Франција и Русија во Сирија.
Уште истиот ден Путин и нареди на руската војска да воспостави директен контакт со своите француски колеги и со нив да работат „како со сојузници“, а исто така и да разработат план за заедничка борба со терористите на територијата на Сирија, забележа ТАСС.
Оланд, кој ја призна неопходноста од меѓународна коалиција во борбата со тероризмот, за оваа тема веќе разговараше со лидерите на Велика Британија, Германија и САД.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање