ОН: Околу 85 отсто од Сиријците живеат во сиромаштија

Сирискиот конфликт предизвика штети и уништување при што околу 85 отсто од населението живее во сиромаштија, нагласи во СБ на ОН, координаторот на ОН за хуманитарни прашња Стивен O’Брајан.

– Речиси 85 отсто од Сиријците живеат во сиромаштија, а повеќе од две третини во екстремна сиромаштија, истакна тој.

О’Брајан потсети дека идниот месец „ќе биде мрачна годишнина – шест години војна која уништи една држава, нејзиниот народ и нејзините деца“.

– На Сиријците државата им е претворена во рушевини, најблиските им се убиени или ранети. За најголем дел од жителите, оклу 13,5 милиони луѓе, итно им е потребна заштита и хуманитарна помош, наведе тој.