Околу 300 борци на ПКК се елиминирани во Северен Ирак

Осумдесет проценти од камповите на Курдска работничка партија (ПКК) во Северен Ирак се разурнати, јави турската приватна телевизија Си-Ен-ЕН Турк.

Според разузнавачки информации во операција на военовоздухопловните сили на Турција во Северен Ирак во средината на јули биле ликвидирани околу 300 борци на ПКК, а 500 се повредени. Камповите на ПКК во реоните на Кандил, Хакурк, Зап, Метина, Басјан и Авашин 80 проценти се уништени. Неколку лидери на ПКК биле принудени да ги науштат камповите.

Си-Ен-ЕН Турк наведува дека еден од највисоките команданти на ПКК, Мурат Карајлан се скрил во Иран, а раководителот на политичкиот совет на организацијата Џемил Бајак побегнал во Сирија.