ОИ Рио: Бразил повторно одигра без голови 0:0

 Иако важат за најголеми фаворити за олимпиското злато во Рио, домашните фудбалери на Бразил и во вториот меч на игрите одиграа без голови. Овојпат Кариоките во дуелот со Ирак одиграа 0:0. Ваквиот резулат и оди во полза на селекцијата на Данска која со победата над Јужна Африка сега изби на првото место во А групата, во која во третото последно коло Данците ќе играат против Бразил.

 

Во групата Б, селекцијата на Нигерија ја оствари втората победа совладувајќи ја Шведска со 1:0, додека Јапонија и Колумбија одиграа без победник 2:2.

 

Во другите две групи беа постигнати овие резултати: 

Ц група: Мексико – Фиџи 5:1 и Германија – Јужна Кореја 3:3.

Д група: Португалија – Хондурас 2:1 и Аргентина – Алжир 2:1.