Охриѓанец измамен за 1000 евра, еве на која финта наседнал
Две лица засега непознати за полицијата вчера извршиле кривично дело „измама“ во Охрид. Двете лица на возраст од педесетина години вчера околу 10:30 часот на улицата „7 Ноември“ пресретнале жител на Охрид и од кој успеале да одземат илјада евра.
Според соопштението од СВР Охрид, откако започнал разговор со оштетениот едното од двете лица му рекол дека другиот човек е државјанин на Израел кој имал сообраќајна незгода во Охрид поради што морал итно да плати оштета. Притоа тој од повозрасниот охриѓанец побарал да му помогне на странецот и да му даде пари за плаќање на оштетата, нудејќи му во залог рачен часовник за кој рекол дека е со вредност од четири илјади евра.
Верувајќи во кажаното и со желба да му се помогне на странецот, охриѓанецот му дал илјада евра со очекување дека откако ќе ја платат оштетата, двајцата ќе се вратат и ќе му го вратат заемот.
По примената пријава од оштетениот, СВР - Охрид презема мерки за пронаоѓање на сторителите. Притоа до граѓаните на Охрид се апелира да внимаваат во разговори со непознати, да не наседнуваат на вакви изговори и евентуалните слични настани веднаш да ги пријават во полициска станица или на полицискиот број 192.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп