Огромна експлозија во фабрика во Москва - Повредени повеќе лица | ВИДЕО

Во експлозија во индустриска фабрика североисточно од Москва повредени се повеќе од 30 лица, јави руската државна новинска агенција „РИА новости“ повикувајќи се на Министерството за вонредни ситуации.

Експлозијата се случила во фабриката „Загорск“ во градот Сергиев Посад, која исто така произведува опрема за војската.

Наводно, експлодирал магацин со пиротехника, што една фирма го ангажирала од фабрика. Две повредени лица се пренесени во болница.

„Според прелиминарните информации, експлозијата не била предизвикана од воени беспилотни летала (UAVs)“, пренесе ТАСС.