Одбележана годишнина од загинувањето на тројца бранители кај Гајре, Шипковица
Делегација на општина Новаци, денеска положија цвеќе на споменикот „Паднатиот анѓел“ во Битола и споменикот кај касарната „Стив Наумов“, а по повод 16-годишнината од загинувањето на тројца бранители кои во 2001 година го загубија животот кај Гајре, Шипковица.
Пред 16 години, во конфликтот во 2001 година, згаснаа младите животи на Пеце Матичевски, Влатко Миленковски и Благојче Силјановски, истакна градоначалникот на општина Новаци Лазар Котевски.
- Во чест на бранителите Влатко, Благојче и Пеце, заедно со подрачното одделение на Министерство за одбрана и организацијата на резервни офицери, секоја година организираме бројни манифестации во знак на сеќавање и почит на жртвите. Организираме и меморијален турнир во фудбал на кој со своја екипа учествува и општина Новаци. Организатор на целиот настан е Министерството за одбрана – одделение во Битола, а за победникот доделуваме преоден пехар и пехар во трајна сопственост, посочи Котевски.
Општина Новаци донесе одлука со која новата спортска сала во таа општина го носи името на бранителот Пеце Матичевски.
Ново на Сител
-
Израел ги проширува воените операции и окупира делови од Газа
-
Келог: Конфликтот во Украина е на работ на примирје, но потребен е договор
-
Неврологот од Гостивар кој ја менува политичката сцена | Арбен Таравари | Sitel Podcast 087
-
Политико: Маск наскоро ќе се повлече од челното место во ДОГЕ, се враќа на бизнисот
-
Руте: Целосно сум убеден дека НАТО ќе продолжи да постои и САД ќе бидат дел од Алијансата
-
Благодарност од претседателката Сиљановска-Давкова до државите кои помогнаа по трагедијата во Кочани
-
Мостот на Вардар кај Башино Село повторно пуштен за сообраќај
-
Мицкоски и Филипче утре на средба во Владата