Од западнонилска треска во Грција починале четири лица
Од почетокот на сезоната, заклучно со вчера, од западнонилска треска во Грција починале четири лица, на возраст од над 80 години, а 35 се заразени, според податоците на националната организација за јавно здравје, пренесе грчката новинска агенција АНА-МПА.
Националната организација за јавно здравје, во седмичниот извештајот пишува дека е веројатно и очекувано во следниот период да се појават и нови случаи.
Од 2010 до 2018 во Грција биле регистрирани вкупно 988 случаи, починале 134 лица, најголемиот број на смртни случаи имало лани (50), а во 2015 и 2016 воопшто не бил регистриран случај со заразен со вирусот, jави дописничката на МИА од Атина.
-Случаи со заразени со вирусот Западен Нил кај луѓе и животни се забележани во различни делови на земјата во годините 2010 – 2014 и 2017 – 2018 година, во скоро сите региони. Ова укажува дека вирусот Западен Нил веќе континуирано постои во нашата земја, како и во други европски земји, пишува во извештајот на грчката Национална организација за јавно здравје.
Ново на Сител
-
Тема на денот со Бојан Трајковски, Асоцијација на специјализанти и млади лекари
-
Грета Тунберг на протест за Дошница
-
Преглед на вестите од светот
-
Цела недела топлотен бран – од утре мало разладување
-
Спречен обид за подметнување пожар на Водно, гори на шест локации во Македонија
-
62 години од катастрофалниот земјотрес во Скопје
-
Иницијативата за протоколот со Бугарија пред уставните судии по летните одмори
-
Османи: Автономијата во одлучувањето е духот на Охридскиот договор