Од полноќ изборен молк во Хрватска
Во Хрватска денеска е последен ден од кампањата на кандидатите за претседателски избори пред на полноќ да почне изборниот молк.
Првиот круг од претседателските избори во Хрватска ќе се одржи в недела, 22 декември, а 3,85 милиони избирачи ќе одлучуваат кој ќе влезе во вториот круг, што е извесно дека ќе биде одржан.
Речиси сите анкети како водечки тројца кандидати ги издвојуваат актуелната претседателка Колинда Грабар Китаровиќ, поддржана од владејачката ХДЗ, Зоран Милановиќ, кандидат на СДП и независниот кандидат Мирослав Шкоро.
Хрватската радиотелевизија (ХРТ), според најновата анкета, објави дека во вториот круг ќе се натпреваруваат сегашната претседателка Грабар Китаровиќ со освоени 28,3 отсто од гласовите и поранешниот хрватски премиер, социјалдемократот Зоран Милановиќ со поддршка од 26,6 проценти.
Според анкетата, во случај Шкоро да помине во втор круг, би ја победил актуелната шефица на државата со разлика од 3,6 отсто од гласовите (Шкоро 48,7 проценти, а Гранар Китаровиќ 45,1 отсто). Од друга страна, додека во трката би биле Шкоро и Зоран Милановиќ, победничката разлика би била 5,6 отсто во корист на хрватскиот пејач.
Ново на Сител
-
Пожар во куќа во центарот на Штип
-
Запленети над 400 метри рибарски мрежи за крап на Дебарско Езеро
-
Мотоциклист заврши во болница по судир со автомобил
-
Маж каснат од куче скитник во Скопје
-
Стоилковски: Преговарачкиот процес со коалициските партнери е во напредна фаза и се базира на принципи
-
Ѓоковиќ: Не сум меѓу фаворитите на Ролан Гарос
-
Стоилковски: На ТОАРИЛУЦ нема лифтови, се оперира на сопствен ризик
-
Претседателката Сиљановска Давкова во Рим оствари средба со претставници на македонската дијаспора