ОН: Од почетокот на операцијата во Мосул скоро 34 илјади Ирачани беа принудени да ги напушат нивните домови

Речиси 34 илјади Ирачани беа принудени да ги напуштат нивните домови од почеткот на операцијата за преземањето на градот Мосул од ИД на 17 октомври, соопшти Службата за координирање на хуманитарните прашање на ОН.

Како што јави ТАСС, ОН е длабоко вознемирена за судбината на цивилите во зоната на конфликтот. 

Во соопштението се потенцира трагичната смрт во провинцијата Киркук, на 18 лица кои биле принудени да ги напуштат нивните домови во округот Хауиџа. 

Според податоците на ОН, тие загинале минатиот петок при напад на камион во кој ги превезувале ирачките војници. 

Координаторката за хуманитарна прашања на ОН во Ирак, Лиз Гранде, изјави дека сите страни во конфликтот се должни да направат се што е можно со цел да ги заштитат цивилите.