Обвинителен предлог против напаѓачите на претседателот на СМК
Скопското јавно обвинителство денеска поднесе обвинителен предлог против три лица кои се товарат дека на 27-ми февруари годинава го нападнаа претседателот на Светскиот Македонски Конгрес, Тодор Петров.
- По спроведената истражна постапка и комплетирање на доказниот материјал, Основното јавно обвинителство - Скопје до Основниот суд Скопје 1 – Скопје денеска поднесе Обвинителен предлог против Б.Е., Б.А. и Е.А. за сторено кривично дело „насилство“ од Кривичниот законик, се наведува во денешното соопштение од Обвинителството.
Кривично правниот настан, како што потсетуваат од Обвинителството, се случил во ресторан во близина на Скопскиот саем, на 27 февруари годинава, околу 12:30 часот. - Оштетениот Т.П. кој бил гостин во ресторанот во придружба со уште едно лице, бил физички нападнат од обвинетиот Б.Е. и едно непознато лице кои со тупаници го удирале во пределот на главата. Сакајќи да се заштити, оштетениот се повлекувал наназад и влегол во блиското сепаре и сместувајќи се во агол со рацете ја покривал главата. На нападот се приклучиле и обвинетите Е.А. и Б.А. со уште едно непознато лице и продолжиле да го удираат оштетениот со тупаници и клоци во пределот на главата и телото. Обвинетиот Б.А. го фатил оштетениот за врат и го турнал, при тоа заканувајќи му се, се додава во соопштението.
Од ударите оштетениот се здобил со телесни повреди „потрес на мозок, контузии на коски на лицето, како и површински повреди во пределот на лицето“. Во исто време кај оштетениот, како и кај други лица кои во моментот се наоѓале во ресторанот, било предизвикано чувство на страв, загрозеност и несигурност, велат од Обвинителството.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар