Обуки за интегрирано управување со случаи во системот на социјална заштита
Министерството за труд и социјална политика и Агенцијата за вработување во партнерство со УНИЦЕФ и УНДП денеска почнаа со интензивни обуки за интегрирано управување со случаи.
- Ова значи дека едно стручно лице ќе управува со случајот и ќе има обврска да го следи семејството. На овој начин, социјалниот работник многу подобро ќе ги знае состојбите во семејството, ќе го следи нивниот напредок, но и проблемите во секојдневнието. Ова дирекно ќе влијае на превенција од многу потенцијални ризици, но и ќе придонесе кон побрзо извлекување на семејствата од ризик со нивна активација на пазарот на труд, се вели во соопштението од Министерството за труд и социјална политика (МТСП).
Оттаму информираат дека работат на јакнење на капацитетите на стручните работници во системот и оти во тек се огласи за вработување на нови 138 лица.
- Интегрираното водење случаи отвара можност за поголема поддршка на корисниците, а со тоа и подобри резултати во работењето, се вели во изјавата на заменик-директорот на Агенцијата за вработување Арбен Зибери.
Според претставникот на УНИЦЕФ во Македонија Бенџамин Перкс, водењето предмети може да има огромен позитивен потенцијал во сите аспекти на социјалната работа и во посредувањето при вработување.
- Ја подржуваме оваа клучна промена во начинот на кој корисниците се поврзуваат со најсоодветната услуга, со цел семејствата и децата да имаат квалитетен и исполнет живот, потенцира Перкс.
Во наредните месеци сите стручни работници од центрите за социјална работа и 30 отсто од вработените во Агенцијата за вработување ќе поминат обуки за интегрирано управување со случаи, како дел од подготовките за имплементација на новиот закон за социјална заштита.
Ново на Сител
-
Донесен законот со кој учениците од верските училишта ќе можат да полагаат државна матура и да се запишуваат на универзитетите
-
Шест полицајци повредени во Нови Пазар во судир меѓу граѓани и полиција пред зградата на Државниот универзитет
-
ОН: Во Газа влегува само половина од потребната помош, стотици илјади луѓе гладуваат
-
УЈП: Загрижувачка состојба во исполнување на ДДВ обврските
-
Со запален факел од хартија и текстил запалил греди на натстрешница - Истрага за пожар во Струмица
-
Ангелов: Во тек е административна селекција на пријавените кандидати за пожарникари
-
До 15 септември сите службени возила ќе имаат таблици во боја
-
Поради расправија за паркинг место, 41-годишник физички се пресметал со 83-годишен дедо