Обнова на фасади на стари згради во Општина Карпош

Општина Карпош ќе продолжи со проектот за обнова на фасадите на старите згради на територијата на општината, најави денеска градоначалникот на Карпош Стевчо Јакимовски.

Фасадите на колективните станбени згради, според Јакимовски, ќе бидат енергетски ефикасни.

- Целокупната инвестиција е од буџетот на локалната самоуправа и изнесува околу седум милиони денари, изјави Јакимовски, кој ја најави обновата на фасадите од пред зградата на улицата „Рузвелтова“ и булевар „Илинден“. 

Јакимовски истакна дека поволните временски услови во овој период од годината без екстремно ниски и високи температури кои би ги попречиле градежните работи се најдобри за инфраструктурни работи.

Фирмата „Елинг ДОО-Скопје“ се очекува дека ќе ја заврши фасадата за 20 дена.