Објавен избор од осум творби на руската писателка Марина Цветаева
Книгоиздателството „ВиГ Зеница“ од Скопје ја објави книгата „Проза – есеи“ - избор од осум творби на руската писателка Марина Цветаева, која е меѓу најголемите имиња на современата руска и светска поезија и литература. Изборот го направи писателот и издавач Глигор Стојковски, а преводот од руски јазик е на Анета Сусинова.
- На над 400 страници во книгата се објавени прозните дела на Цветаева, попозната како авторка на врвни поетски творби. На истиот начин таа се потврдува и низ своите прозни и есеистички текстови напишани во текот на 1930-тите години, сега публикувани во новата објава на Цветаева на македонски јазик: „Дом покрај стариот Пимен“, „Ѓаволот“, „Мојата мајка и музиката“, „Повест за Соњечка“, „Неовдешна вечер“, книжевните белешки „Заробениот дух (Мојата средба со Андреј Бели)“, како и вонвременските есеи „Епот и лириката на современа Русија“ и „Поетот и времето“, наведува издавачот.
Покрај овие есеистички размисли и книжебни белешки, книгата ја исполнуваат и богатите, имагинативни прози со слободоумни, ерудитски и драматични чувствувања на блиските, на светот, на времето и на литературата.
- Тука стојат забележани творби исполнети со копнежи и носталгични чувствувања, напишани во егзил во западноевропските земји, пред судбоносното враќање на Марина Цветаева во Советскиот Сојуз во 1939 година, и следот на личните трагедии што ќе завршат со нејзината смрт во 1941 година. наведува издавачот на изборот од осум творби од Марина Цветаева.
Ново на Сител
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено