Обама во посета на Виетнам и Јапонија
Американскиот претседател Барак Обама замина вчера во еднонеделна турнеја во Азија, која е дел од неговите напори за посветување на поголемо внимание на регионот и за зајакнување на соработката во областите на економијата и безбедноста.
Обама во Виетнам ќе престојува три дена, каде ќе ги посети Ханој и Хошимин (поранешен Сајгон) и ќе се сретне со виетнамските лидери. Тој ќе посети и културни знаменитости и ќе разговара со лидери на граѓански здруженија и претприемачи.
Клучна тема за време на посетата на Обама на Виетнам ќе бидат човековите права. Петмина републикански сенатори испратија завчера писмо до претседателот во кое го определуваат Виетнам како „еден од најрепсресивните режими во светот“ и инстистираат Обама да изврши притисок врз виетнамските лидери да сторат повеќе за почитување на слободата на вероисповест, правото на изразување и другите човекови права.
Виетнам во пресрет на посетата на Обама го ослободи од затвор познатиот духовен дисидент, Нгуен Ван Лин, кој е затворен од март 2007 година под обвинение за ширење пропаганда против државата.
Од Виетнам американскиот претседател заминува за Јапонија на самитот на Г-7 и во историска посета на Хирошима.
За време на турнејата Обама ќе стави акцент на транспацифичката спогодба за слободна трговија, во која учествуваат САД, Виетнам и Јапонија. Спогодбата е блокирана во Конгресот на САД, но Обама се надева дека еден ден овој документ ќе ја зајакне транспацифичката трговија и ќе им овозможи на американските компании и работници да бидат поконкурентни на азискиот пазар.
Ново на Сител
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк