Обама и Ердоган разговараа за борбата против Исламска држава
Американскиот претседател Барак Обама вчера разговарал со својот турски колега Реџеп Таип Ердоган за продлабочување на соработката во борбата против групата Исламска држава, соопшти ТАСС.
Двајцата претседатели планираат да го засилат воениот притисок врз Исламска држава, како и да ја зацврстат умерената опозиција во Сирија, со цел да создадат услови за решавање на конфликтот преку преговори, што го вклучуваат и политичкиот преод во земјата.
Обама уште еднаш ги осудил терористичките атентати во Анкара, извршени на 10 октомври, а во кои загинаа 97 лица.
Американскиот претседател ја изразил и солидарноста на Вашингтон со Анкара во однос на безбедносните закани.
Обама и Ердоган, исто така, се согласиле дека е неопходно итно да се прекинат акциите на Курдската работничка партија (ПКК) во Турција.
Претходно Анкара се пожали дека оружејото што САД ги испраќа во Сирија може да дојде до рацете на ПКК и да биде искористено против Турција.
Ново на Сител
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога
-
ЕУ го повика Израел „веднаш“ да ја прекине воената операција Рафа