Нуди 11 милиони за да игра на Вембли

Екипата на Челзи понуди 11 милиони фунти за да ги игра своите натпревари на Вембли додека трае изградбата на новиот „Стамфорд бриџ“ кој ќе биде со капацитет од 60 000 места.

Барање има и Тотенхем кој исто така ќе гради нов фудбалски храм со 56 000 места но понудата од овој клуб била за 3 милиони фунти пократка.

Изградбата на новиот стадион на Челзи ќе го чини Абрамовиќ 500 милиони фунти и како што најави русинот треба да биде Катедрала на фудбалот во Лондон.

ФФ на Англија притиска Челзи да се пресели на Вембли од 2017/18 година додека Тотенхем најверојатно ќе мора да ги игра мечевите на стадионот на Милтон Кин Донс или пак да го дели Олимпискиот стадион со Вест Хем.