Нови вработувања во Општата болница Кочани
Во Општата болница Кочани во редовен работен однос од денеска се примени тројца доктори по општа медицина. Тие ќе бидат упатени на специјализација по анестезиологија, педијатрија и ОРЛ. Новите специјализации се резултат на неодамнешниот оглас што го распиша Министерството за здравство за кофинансирани специјализации, информира директорот на болницата, Дејан Апостоловски.
Наскоро ќе биде распишан оглас за вработување на уште шест лица во Општата болница Кочани, и тоа двајца лекари кои ќе бидат упатени на специјализација со предност на хируршки гранки и четири вработувања од кои две сестри, еден лаборант и еден радиолошки техничар. Огласот е резултат на 350-те одобрени вработувања од Владата за здравствени работници.
Инаку, четворицата специјализанти за година дена се враќаат во Општата болница со што хируршкото, невропсихијатриското, педијатриското и гинеколошкото одделение ќе бидат комплетирани, и ќе се создадат услови за поквалитетна здравствена заштита на жителите од кочанскиот регион и соседните општини.
Популарно од Македонија
Ново на Сител
-
Централен настан на ОБСЕ - „Насилство врз младите жени и девојки: сексуално вознемирување, демнење и контролирачко однесување“
-
Премиерот Мицкоски на отворање нова училишна сала во ООУ „Наум Охридски“ во Булачани
-
На КОП29 во Азербејџан постигнат договор за обезбедување 300 милијарди долари годишно за посиромашните земји за справување со климатските промени
-
Украинска армија: Уништени повеќе од десет руски дронови кои во текот на ноќта го нападнаа Киев
-
Претседателски избори во Романија
-
Ведро и многу студено
-
Мареј нов тренер на Ѓоковиќ
-
Ердоган ги поздрави налозите за апсење на Меѓународниот кривичен суд против Нетанјаху и Галант
