Нови водоводни мрежи во Крива Паланка

 

Преку проектот на Владата и ЕБОР „Водоснабдување и одведување отпадни води“ кој е долгорочен и се предвидува да заврши годинава, се очекува да бидат разрешени и надминати најголем дел од проблемите со водоснабдување во Крива Паланка. Со овој проект за општина Крива Паланка ќе бидат издвоени 1,2 милиона евра.

 

Програмата го опфаќа и проектот кој веќе е почнат „Водоснабдителен систем за висока зона на лев брег на Крива Река-основна и секундарна мрежа со изградба на водоснабдување на населба Маневци и населба м.в. змаевац во село Дурачка Река“ со кој ќе се изградат околу шест километри нова мрежа, резервоар и останати елементи. Овој проект се реализира со 23 милиони денари, финансии од Министерството за транспорт и Владата, а трбеа да заврши до крајот на годината.

 

Планирано е и финиширање на проектот за јавно приватно партнерство за изградба на четири мали хидроцентрали на Станачка река, две од кои се веќе пуштени во употреба.

 

Предвидено е и доизградба и санација на водовод во село Варовиште, поставување водомери на истиот, на водоводот во село Конопница на Селска Река и водовод „Балабанци-Вирови-Грамаѓе“, како и поврзување на главната воодоводна мрежа со селски водоводи во Конопница и поврзување висока зона нас. Домачки Дол со резервоар во населбата Баглак.

 

Програмата за изградба, реконструкција и одржување на локалната водоводна мрежа во општина Крива Паланка за 2016 година ќе се изврши и замена на азбестно - водоводната мрежа со полиетиленски водоводни цевки, прва фаза.