Нови покриви на основните училишта во Бутел

Во општина Бутел финишираат градежните работи во неколку основни училишта. Во ОУ „Панајот Гиновски“ е заменет стариот и дотраен покрив од салонитни плочи со пластифициран лим заедно со целата дрвена потконструкција.

 

Како што информираат од општината, завршени се и градежните работи на фискултурната сала во ОУ „Ацо Шопов“ каде целосно е раконструиран покривот. Поставен е нов пластифициран лим, заменета е громобранската лента, а поставени се и нови олуци.

 

Изведувач на работите е градежната фирма ГИВ „Груп“ од Скопје, а средствата се обезбедени од буџетот на општина Бутел во висина од 2,4 милиони денари.

 

Според најавите од општината, во моментов сеизведуваат поголеми градежни зафати и во ОУ „Гоце Делчев“ во Љубанци, кое треба да добие нов покрив, фасада со нови прозори и неколку нови училници.