Нови оптимистички најави од Брисел за одлука за почеток на преговори во јуни
Од Брисел стигнаа нови оптимистички најави дека Северна Македонија во јуни ќе добие одлука за почеток на преговори со Европската Унија, а оти до крајот на годинава да бидат отворени и првите поглавја.
Еврокомесарот за проширување Јоханес Хан, покрај очекувањето дека земјава ќе добие одлука за почеток на преговори со Унијата, на Виенскиот економски форум „Нови перспективи за Република Северна Македонија“, рече дека земјава е единствената во Западен Балкан која нема спорови со соседите и е политички најстабилна во регионот.
Нагласи дека Северна Македонија е позитивен пример како можат да се решаваат проблемите и охрабрување за надминување и на другите спорови особено меѓу Белград и Приштина.
Уверување дека Европската комисија во Извештајот ќе препорача отворање преговори, изрази и евроамбасадорот во земјава Самуел Жбогар.
– Таквата одлука очекуваме да се случи во јуни и се надеваме дека токму тоа ќе се случи. Сметам дека земјата во измината година навистина ја покажа својата посветеност на Европската Унија и на реформите. Се донесоа некои важни одлуки и опозицијата и Владата работат на многу важни закони и сметам дека имате со што да се пофалите и се надевам, исто така, дека ќе бидете пример во регионот за земја која е посветена на реформи, рече вчера Жбогар.
И премиерот Заев, кој учествуваше на Виенскиот економски форум, е оптимист дека Европската комисија ќе донесе одлука за почеток на преговори. Тој во Виена оствари средба со еврокомесарот Хан.
– На билатералната средба со комесарот Хан, разговаравме за очекувањата ова лето, јуни – јули, за конечната одлука на Европската Унија што треба да значи конечно одлука за добивање на датум за преговорите, рече Заев.
Премиерот истакна дека е оптимист, и оти треба да се почекаат да завршат евроизборите, за да може уште појасно да ги знаеме ставовите на Франција и на Холандија.
– Канцеларката Меркел е позитивна. Веруваме дека ќе се придвижат процесите онака како што ние очекуваме заради тоа што навистина заслужуваме. Направивме премногу, сите го потврдуваат тоа и конечно заслужуваме позитивен фидбек од Европската Комисија и од Европската Унија преку земјите членки за добивањето на датумот за преговори, нагласи Заев.
Премиерот Заев на средбата со Хан, подвлече дека отпочнувањето преговори за влез во ЕУ е единствената гаранција дека земјата и натаму ќе биде стабилна, дека ќе води инклузивна политика и дека ќе продолжат реформските процеси во Северна Македонија.
Ново на Сител
-
Филков: Интерпелацијата за Коцевски е силен показател за тоа во кој правец би требало да се движат работите
-
Традиционалниот собор во манастирот „Свети Пантелејмон“ го собра народот во молитва и заедништво
-
Министерството за здравство ја презема контролата врз лиценцирањето на стоматолозите поради сериозни пропусти и сомнежи за злоупотреби
-
Полицијата во Тирана ја опколи зградата на Њуз 24 и го исклучи сигналот, реагираше Здружението на новинари
-
Неколку аеродроми во Русија воведоа привремени ограничувања за летови
-
Лишени од слобода возачи во Делчево и гостиварско, управувале возила под дејство на алкохол и со брзина поголема од дозволената
-
27-годишник нападнал полицаец, при претрес на неговиот дом пронајдени семки канабис и муниција
-
Блумберг: Харвард се соочува со губење патенти вредни стотици милиони долари