Нова телефонска линија на МЗ за директен контакт со граѓаните

Министерството за здравство воведе нова телефонска линија за директна комуникација на граѓаните со ресорниот министер Арбен Таравари преку мобилните апликации viber и whatsapp. 

Почнувајќи од денеска функционира и телефонската линија 071/349-999 на која граѓаните преку електронска порака може да се обратат до министерот со идеја, предлог, пофалба или пак за одредени неправилности, обиди за корупција и нерегуларности со кои се соочиле во функционирањето на здравствениот систем.

- Целта на #ЗдравоТаравари е лично да ги слушнам мислењата и искуствата на граѓаните од здравствениот систем и заеднички да ја смениме перцепцијата за нашето здравство, се вели во писмената изјава на министерот Таравари. 

Министерството за здравство потсетува дека комуникацијата со министерот Таравари ќе се одвива единствено со електронски пораки преку viber и whatsapp кои може да ги испрати секој граѓанин на телефонскиот број 071/349-999.