Нова физичка пресметка меѓу навивачите на Франција и Ирска на ЕУРО 2016

 

Продолжуваат инцидентите предизвикани од навивачите на Европското фудбалско во Франција. Најновата пресметка се случи во Ница каде француски навивачи се степаа со поддржувачи на Северна Ирска.

 

Според извештајот на локалната полиција, дваесетина Французи во близина на градскиот плоштад со шишиња почнале да фрлаат кон Ирците, на што овие возвратиле со иста мера.

 

По кусата физичка пресметка припадниците на полицијата успеале да ги раздвојат групите и да ја смират ситуацијата.

 

Во овој град вчера имаше судири и меѓу навивачи на Полска со фановите на Северна Ирска, а во Марсеј Русите и Англичаните во повеќе наврати имаа блиски средби по што има и неколку лица посериозно повредени.