Нова донација за кичевската градинка „Олга Мицеска“

Во кичевската градинка „Олга Мицеска“ денеска беа донирани постелнини и перничиња од страна на компанијата „Комфи Ангел“ од Прилеп. 

Директорот на единствената градинка во Кичево, Садик Ахмети, изрази благодарност за донацијата. 

- Да се биде хуман значи да ги сакаш луѓето, да посакуваш добро и среќа, да бидеш сочувствителен кон нив, да ја поттикнуваш нивната радост. Она што нè носи заедно со сите други луѓе е токму фактот дека сме луѓе и човечки суштества, истакна Ахмети.

Тој рече дека оваа година бројот на деца во градинката е зголемен за една третина во споредба со ланската, а со пуштање во употреба и на новиот објектот во населба Пашино капацитетот уште повеќе ќе се зголеми.

- Новиот објект кој е донација од турската организација „Тика" наскоро, по текничкиот прием, се очекува да биде пуштен во употреба, наведе Ахмети.