Нова демократија ја обвини Владата за раст на невработеноста во Грција

Главната грчка опозициска партија Нова демократија (НД) ја обвини Владата дека не може да се справи со проблемот на невработеноста во земјата, додавајќи дека во декември 2016 година биле евидентирани дополнителни 24.991 невработени во однос на истиот месец од претходната година.

Опозициската партија тврди дека продолжуваат негативните состојби на пазарот на трудот и оти за тоа е одговорна Владата, која „во последните две години ги попречува или откажува планираните структурни промени и реформи“.

Според Нова демократија, грчката Влада не презентирала план, ниту ги презела сите мерки за поттикнување на вработувањето и борбата против непријавената работа.