Нов протест на грчката Федерација на вработени во државните болници против задолжителната вакцинација
Нешто помалку од 6.000 невакцинирани здравствени работници во Грција веќе добија решенија за принуден, неплатен одмор, а Федерацијата на вработени во државните болници, денеска ќе одржи нов петчасовен прекин со работата и протест против задолжителната вакцинација, јави дописничката на МИА од Атина.
Од Федерација уште еднаш потенцираат дека не се против вакцината и повторно упатуваат повик сите здравствени работници да се имунизираат, но паралелно додаваат дека „нема да дозволат нивните колеги да ги загубат работните места“ и нема да дозволат целосна неорганизираност на здравствениот систем, „поради мерката наметната без причина“.
Протести, исто како и минатиот четврток, закажаа во Солун и во Атина.
Грчката новинска агенција АНА-МПА, повикувајќи се на извори од Министерството за здравство на Грција синоќа објави дека биле издадени 5.895 решенија за принуден, неплатен одмор за невакцинираните здравствени работници.
Мерката, што грчката Влада ја соопшти во јули, вчера стапи во сила, а на принуден, неплатен одмор заминуваат оние кои не примиле најмалку една доза од вакцината или немаат потврда за прележан Ковид-19.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош