Нов 31 случај на заразени во Косово со Ковид-19, вкупно 480
Институтот за јавно здравство на Косово (ИШПК) објави дека во текот на вчерашниот ден во земјата се потврдени нови 31 случај кои, од извршените испитувања во петокот, резултираа позитивни на Ковид-19, со што официјалната бројка на заразени со новиот вирус во земјата достигна до 480, јави дописникот на МИА од Приштина.
Според синоќешното соопштение на ИШПК, вчера во неговата Лабораторија за молекуларна микробилогија се тестирани примероците на 195 лица за кои постоело сомневање дека се можни носители на вирусот. Вкупната бројка на тестирани од 8 февруари, заклучно со вчерашниот ден, изнесува 3.915.
Најмногу од новозаразените, вкупно 15, се од општина Урошевац, која е новото жариште на епидемијата во Косово, со 81 заболен. Деветмина од вчера потврдените заболени од Ковид-19 се од Витина, двајца од Приштина и по еден од општините Косово Поле, Србица, Штимле, Зубин Поток и Лепосавиќ.
Вчера се евидентирани и нови пет лица излекувани од новиот коронавирус, согласно методите пропишани од Светката здравствена организација, со што бројката на лица кои ја пребродиле заразата се зголеми на 84.
ИШПК објави дека во петокот во земјата е регистриран и еден нов случај на починат од Ковид-19, така што бројот на жртви на пандемијата во Косово изнесува 12.
Ново на Сител
-
Гаши ги распиша изборите, првиот круг локални на 19 октомври
-
Истрага за полицаецот кој без налог сакаше да ја приведе директорката од Демир Хисар
-
Министерот за здравство и ги одзеде ингеренциите на Стоматолошката комора поради сериозни пропусти
-
СДСМ пак предлага минималец од 500 евра, ВМРО-ДПМНЕ чека договор меѓу синдикатите и работодавачите
-
Петрушевски: Каде се СДС сега да го нападнат главниот обвинител Коцевски или да прашаат за некоја истрага?
-
И годинава атракција пловењето по Охридското Езеро
-
Македонија единствена држава на Балканот која нема своја историска база на податоци
-
Преглед на вестите од светот