Нормализирано собирањето на сметот во повисоките делови на Штип

Нормализирано е собирањето на сметот во повисоките делови од градот, информираше денеска директорот на ЈП „Исар“-Штип, Живко Тасев. Поради тесните коловози, појавата на голомразица на неколку улици во повисоките делови на градот изминатите денови не се собирал сметот, но од денеска почнува да се нормализира работата.

– Немаме проблеми со водоснабдувањето во градот Штип. Потрошувачката на водата за пиење е просечна и се движи од 140 до 230  литри во секунди, вели Тасев.

Тој нагласува дека немаат ниту поголеми дефекти на водоводната мрежа, а исто така граѓаните навреме ги заштитиле водомерите и чешмите, кои им се надвор, па не дошло до големи дефекти и штети. Во текот на денешниот ден екипите на ЈП „Стипион“ ги чистат и улиците од остатоци на снег и голомразица од втор и трет степепен низ градот и општина Штип.