Номинираните за овогодишните „Оскари“ ќе бидат објавени денеска
Американската Академија за филмски уметности и науки денеска во Лос Анџелес ќе ги објави филмовите номинирани за годинашните „Оскари“. Претстојното 97. доделување на престижните награди ќе се одржи вечерта на 2 март во „Долби театарот“ во Холивуд. По две одложувања поради пожарите коишто го опустошија Лос Анџелес, годинешните номинации ќе бидат објавени на интернет, соопшти Академијата.
Глумците Бовен Јанг и Рејчел Сенот ќе ги објават номинациите денес, во 18:30 часот по македонско време.
Според правилата на Академијата, за еден филм да влезе во избор за главните номинации, тој мора да биде првпат прикажан во текот на претходната календарска година, од полноќ на 1 јануари до 31 декември во областа Лос Анџелес. Тоа правило не важи за странските филмови. Натаму, филмот мора да биде долгометражен, т.е. да трае најмалку 40 минути - освен ако не се натпреварува во категоријата за најдобар краток филм.
За филмовите гласаат сите членови на Академијата што, инаку, брои неколку илјади членови и е составена од личности од филмската индустрија. Во повеќето случаи, членовите гласаат за нивните категории, режисери за категоријата режија, глумците за глума, но во изборот за најдобар филм, сите членови се поканети да гласаат.
Овогодишната емисија ќе ја води комичарот, водител и продуцент, Конан О'Брајан.
Според американските медиуми, главни фаворити за изминатава година би можеле да бидат филмовите „Емилија Перез“, „Конклава“ и „Бруталист“.
Оскарите се доделуваат во 24 категории: Најдобар филм, глума, оригинално и адаптирано сценарио, режисер, најдобар филм од неанглиско говорно подрачје, документарец, анимиран филм, музика, специјални ефекти итн.
Наградата е позлатена статуетка во облик на испревен маж, изработена од британиум, со црна метална основа. Долга е 34 сантиметри и тешка 3,85 килограми. Академијата за филмски уметности и науки е основана од шефот на студиото Метро-Голдвин-Мајер, Луис Б. Мајер.
Минатогодишниот победник беше филмот на Кристофер Нолан „Опенхајмер“, којшто освои седум „Оскари“, вклучително и за најдобар филм, режисер, главна и споредна машка улога.
Ново на Сител
-
Вашингтон Пост: Маск без успех апелирал до Трамп да се откаже од воведувањето нови царини
-
Кина вети дека ќе преземе решителни контрамерки и ќе се бори докрај со царините на Трамп
-
Вчера 841 сообраќаен прекршок на територија на цела држава, 214 за брзо возење
-
Мицкоски: Наш предизвик и цел како Влада во периодот кој следи, е да го подигнеме социјалниот и економски статус на Ромите
-
Трамп повторно изјави дека би било добро САД да ја контролираат Газа
-
Величковски од Народната банка: Приливите од странство ќе им бидат на располагање веднаш на граѓаните и на компаниите со влезот во СЕПА
-
Сиљановска-Давкова: Ромите се богат човечки потенцијал што мора да се впрегне во општествениот погон
-
Исчезнато повозрасно лице од Штип, институциите трагаат по него