Њујорк со прва карантин зона поради коронавирусот
Властите во Њујорк ја прогласија првата зона ставена под карантин од коронавирус во САД, се работи за територија со радиус од еден и пол километар околу Њу Рошел, мало гратче северно од Њујорк. Додека поради ширењето на вирусот низ целата земја се откажуват разни настани како конференции, концерти или промоции.
Како што синоќа изјави Ендрју Куомо, гувернер на сојузната држава Њујорк, станува збор за зона на запирање на инфекцијата околу една локална синагога каде повеќемина верници се заразиле од вирусот.
Мерките со карантин ќе важат до 25 март. Сите училишта и објекти каде се собираат луѓе во таа зона ќе бидат затворени две недели, започнувајќи од утре. Продавниците ќе работат а движењето на локалните жители нема да биде ограничено. Во сојузната држава Њујорк се регистрирани 170 случаи на коронавирус, додека низ САД веќе се над илјада.
Поради смртоносниот вирус, во земјата се затвораат училишта и универзитети, се откажуваат разни настани како конференции, концерти или планирани промоции. Во Њујорк на пример, Меѓународната автомобилска изложба планирана за април, е поместена да се одржи во септември.
Екс-потпретседателот Џо Бајден и сенаторот Берни Сандерс вчера ги откажаа своите митинзи во Кливленд, Охајо, каде следната недела се одржуваат примарните избори за номинација претседателски кандидат.
Во Калифорнија пак, вчера беше откажана Коачела, еден од најголемите концертни и уметнички фестивали во САД, а Холивуд претходно ја одложи промоцијата на најновиот филм со Џемс Бонд, „Нема време да се умре“, од април за во ноември.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп