Њујорк на 21. август ќе слави победа над Ковид-19 со концерт за 60.000 луѓе

Властите во американскиот град Њујорк планираат да поканат 60.000 луѓе на концерт во Централ парк на 21 август заедно да ја прослават победата над Ковид-19, објави Њујорк тајмс.

Според изданието, веќе е избран продуцент –  89-годишниот Клајв Дејвис, кој работел со Џенис Џоплин, Брус Спрингстин и Витни Хјустон.

Работниот наслов на културната манифестација е „Официјално враќање на Њујорк во Централ парк“.

Градоначалникот Бил де Блазио рече дека концертот ќе биде дел од еднонеделниот настан со кој се слави победата над коронавирусот. Целата недела ќе помине на досега невиден начин во Њујорк, вети Де Блазио.

Претходно, градоначалникот рече дека од 1 јули жителите на Њујорк ќе можат да се вратат во нормален живот.