Низа инциденти со подметнување пожар на возила во Солун и во Атина
Околу четири часот утрово непознати лица подметнале пожар на седум паркирани автомобили во центарот на Атина, а сличен инцидент бил регистриран и во Солун, каде се потпалени три возила, јави дописничката на МИА од Атина.
Во грчката престолнина, непознати лица полиле со запалива течност седум автомобили паркирани во близина на Амбасадата на САД. Едно возило целосно изгорело, додека пак останатите претрпеле материјална штета. Противпожарната служба со девет пожарникари и три возила интервенирала во гаснењето на пожарот.
Во Атина бил регистриран уште еден случај на запалено возило во западниот дел на градот.
Сличен инцидент се случил и во Солун, кога по четири часот утрово, непознати лица подметнале пожар на возила паркирани пред претставништво за автомобили.
Во текот на ноќта, освен запалените автомобили, била регистрирана и мала експлозија во Атина, кога непознати лица поставиле рачно изработен експлозивен механизам пред осигурителна компанија. Била предизвикана материјална штета.
Се уште нема информации дали низата напади се меѓусебно поврзани.
Ново на Сител
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи
-
Зеленски до Парламентот поднесе предлог-закон за продолжување на мобилизацијата