Николовски: Не се покриваат долгови на винарии, туку им се помага на лозарите
Државата не покрива долгови на приватни фирми, туку им помага на лозарите. Станува збор за човечка и суштинска одлука и неблагодарно е да се вртат тези дека се помагаат приватни компании, изјави денеска министерот за земјоделство Љупчо Николовски во врска со најавите дека ќе биде исплатен долгот што винариите „Повардарие“ и „Стефанис винарија“ го имаат направено кон лозарите во периодот од 2014 до 2016 година.
Николовски појасни дека средствата што ќе се одвојат за исплата кон лозарите, ќе бидат вратени во Буџетот.
– Преку постојното законско решение државата го побарува износот којшто овие винарии или откупувачи треба да го платат кон лозарите и преку финансиски инструменти на Управата за јавни приходи и Платежната агенција, овие пари ќе се вратат во Буџетот. Лозарите долго чекаа на решавање на овој проблем и сметаме дека е одговорно што побргу да ги добијат своите пари, рече Николовски на прес-конференција по денешното потпишување на првите договори за мерката седум од ИПАРД 2 програмата.
Тој очекува денеска претседателот на државата да ги потпише измените на Законот за земјоделство и руралниот развој кои беа донесени на Собрание и во четврток на владина седница да се донесе одлуката. Треба да се донесе и измена на Програмата за финансиска поддршка и Државниот земјоделски испекторат да ги направи потребните анализи.
Според најавите, со исплатата треба да бидат опфатени сите лозари кои во периодот 2014-2016 година го предале своето грозје во винарии што во тој период биле регистрирани во Регистарот на МЗШВ, а не добиле пари за предаденото грозје.
Ново на Сител
-
Убиство во Бардовци
-
Посмртните останки на Душко Чифлиганец ќе бидат изложени утре во црквата „Св. Јован Крстител“ во Аеродром
-
Mајка и дете заглавени во поплавен автомобил во Велес, ги спасиле пожарникари во последен момент
-
Николоски-Ортиз: Авиолиниите Скопје - Мадрид и Скопје- Барселона се одлична можност за подoбрување на соработката меѓу двете држави
-
Ротацијата на Земјата се забрзува, денешниот ден е еден од најкратките
-
Млади битолчани фатени при купопродажба на дрога
-
Јаневска: Ќе го решаваме проблемот со Сеизмолошката опсерваторија, тој е ургентен и многу значаен
-
Цените во угостителството во јули зголемени за пет проценти