Николовски: Ќе се преземат сите мерки за да се намали времето на чекање на граничните премини
Во ек на летна сезона зголемен е интензитетот на сообраќај на граничниот премин Табановце. Денеска функционираа сите ленти и времето на чекање е околу 15-тина минути. Туристите кои патуваа кажаа дека во моментов не чекаат многу. Одговарајќи на новинарски прашања на денешниот настан на ГП Табановце, директорот на царината, Бобан Николовски рече дека проблемите мора брзо да се надминуваат за да се обезбеди непречен проток на патници. Вчера, додаде тој, биле подготвени да интервенираат, доколку пожарот од грчка страна се префрли на Богородица.
- Падот на електричниот систем секогаш кога се случува, секогаш создава проблеми. Многу е битно овие проблеми да ги решаваме ефективно максимално, многу најбрзо можно. Бројката флуктуира, меѓутоа е на многу високо ниво. Знаете патничкиот сообраќај во моментов е навистина на едно високо ниво, сезона е. Се справуваме, протокот на возила брзо оди. Дури вчера имавме застој на Богородица имаше пожар од грчката страна и ние дадовме свој придонес таму, реагиравме максимално бевме спремни во случај огнот да се сврти кон нашата држава, изјави Николовски.
Во однос на корупцијата, Николовски истакна дека останува заложбата да се сузбие иако,рече дека има службеници кои се професионалци и има кои се склони кон вакви влијанија.
- За жал, во секоја институција колку професионално да се однесуваат нели службениците, јас ќе говорам за царинските службеници, во секоја служба има и луѓе коишто се склони на вакви криминогени влијанија. Меѓутоа наша заложба, верувајте за кратко време ќе бидете убедени, е вистинска борба против организираниот криминал, шверцот и корупцијата. И не само во однос на царинските службеници, туку сите што се инволвирани во целиот овој процес на царинско работење, изјави Николовски.
Ново на Сител
-
Следните два дена променливо облачно време, викендот сончево со пораст на температурата
-
Мицкоски за посетата на Брисел: Подготвивме најквалитетен документ за Планот за раст, ќе ги одбраниме и националните интереси
-
Претрес во Куманово, приведено едно лице
-
Дурмиши: Цените нема да се замрзнат, маржата ќе се ограничи до 10 отсто
-
Постигнат договор за есенската потрошувачка кошница, ќе се разгледа на следната владина седница
-
Постигнат договор за есенската потрошувачка кошница, ќе се разгледа на следната владина седница
-
Мицкоски: Осумнаесет милиони евра за реконструкција на студентските домови
-
Авион на „Делта ерлајнс“ итно приземјен поради проблеми со притисокот