Николиќ: Грција и Србија не се виновни за бегалската криза

Грција и Србија не се одговорни за бегалската криза, но се соочуваат со последиците од тој проблем, изјави синоќа на Крф српскиот претседател Томислав Николиќ. 

Тој во изјава за грчката агенција АНА-МПА истакна дека кога бегалската криза ја погодила Европа, шефовите на државите го промениле ставот кога увиделе дека тоа влијае врз нивната популарност.

- Кога проблемот се појави во Европа и кога некои луѓе видоа дека нивната популарност се намалува, тогаш Европа одлучи тоа прашање да се реши поинаку, додаде Николиќ. 

Тој изрази надеж дека бегалското прашање ќе биде решено на подобар начин и дека Европската унија ќе и помогне на Грција. 

Претседателот на Србија престојува на Крф по повод одбележувањето на стогодишнината од евакуацијата на српски војници на овој остров и на островот Видо.