Нигерија избриша 50.000 „мртви души“ од државната администрација

Владата на Нигерија избриша над 50.000 „мртви души“ од државната администрација со што се спасени 630 милиони евра во борбата против корупцијата.

Портпарол на Владата изјави дека 11 од главните осомничени се изведени пред Комисијата за економски и финансиски криминал.

Претседателот на Нигерија, Мухамаду Бухари кој дојде на функјција во 2015 година, постави главен приоритет борба против корупцијата во државата. Тој ја обвини администрацијата на претходниот претседател Гудлак Џонатан дека ја разграбила државната каса. Десетици блиски до власта поранешни високи лица вклучително министри и судии се на суд заради корупција или перење пари.