-->
-->
Невреме со интензивен пороен дожд и засилен ветер синоќа во неготинско - град во Куманово
-->
![](/sites/default/files/styles/large/public/article/teaser-images/2016/august/nevremereffr-70886.jpg?itok=f0nPOBOK)
Невреме со интензивен пороен дожд и засилен ветер вчера доцна попладне и во вечерните часови го зафати Неготинско, а во околината на Куманово е регистрирана и појава на град, соопштуваат од УХМР.
Локална појава на пороен дожд и грмежи се регистрирани во северните и источните делови од Македонија. Во текот на ноќта, како што наведуваат од УХМР, на повеќе места имало појава на слаб дожд.
Според мерењата на Управата за изминатите 24 часа, до 8 часот изутринава наврнати се во Демир Капија 6 литри на метар квадратен, Берово три, Пожар два и Маврово еден литар на метар квадратен.
Денеска времето ќе биде променливо облачно, ветровито и доста свежо со слаб локален дожд претпладне. Подолги сончеви периоди ќе има во источните делови. Ќе дува засилен северен ветер, кој вдолж Повардарието и во источните делови повремено ќе достигнува брзина околу 80 км/час. Дневните температури ќе бидат значително пониски во однос на претходните денови и ќе достигнат од 21 до 27 степени.
Во Скопје ќе биде променливо облачно и ветровито со температура до 23 степени.
За време на викендот времето ќе биде стабилно, но утре се уште повремено ќе дува умерен до засилен северен ветер. Стабилно ќе биде и од понеделник, а дневната температура постепено ќе расте.
-->
-->
-->
Ново на Сител
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени
-
МВР: Постојат основи на сомневање за можниот сторител на убиството во Тетово
-
На Табановце за влез и за излез во земјата се чека половина час
-
Побарани обдукција и снимки од видеонадзор за убиството во Тетово
-
Сончево и топло со мала локална облачност
-
Поскапуваат патарините во Србија