Неверојатни снимки: Падна град, водата надојде, ледот граѓаните го чистат со лопати

На социјалните мрежи се шират фотографии од неверојатна глетка од шпанскиот град Џирона кого го погоди страшно невреме.

 

Шпанија е само една од низата земји во кои се менуваат големите горештини и силните бури.

 

За само половина час напаѓа повеќе од 5 сантиметри дожд, а имаше и силен ветер. Џирона ја погоди и град кој граѓаните, како што покажуваат снимките го чистеа со лопати.

Шпанските медиуми јавија дека итните служби примиле стотина повици, а во некои делови од градот водата на луѓето им дошла до половината.