Неколку лица загинаа во судир на минибус и два камиони во Велика Британија

Повеќе лица се загинати, а четири други се префрлени во болница, во сударот на еден минибус, полн со патници и два камиони, соопшти британската полиција.

Сударот се случил рано утринава, нешто после 03.00 часот по локално време, во близината на една раскрсница кај местото Њупорт, во англиската област Бакингамшир.

Во соопштението на полицијата се вели дека минибусот тргнал од Нотингам, но засега нема информации колкумина патници имало во возилото и колку од нив настрадале во сударот.

Полицијата ги испитува причините за несреќата.

Сите три возила, вклучени во сударот се движеле во иста насока по автопатот.

Соопштено е дека две лица се уапсени и задржани во притвор, обвинети дека со своето опасно возење ја предизвикале несреќата.