Нејмар: Ме фаулираат 4, 5, 6 пати на натпревар, а добивам жолт картон за првиот прекршок
Нејмар е незадоволен од начинот на кој судиите се однесуваат кон него. Напаѓачот на Пари Сен-Жермен зборуваше за ова по пријателскиот натпревар помеѓу репрезентациите на Бразил и Тунис (5:1).
– Игравме фудбал и го контролиравме натпреварот. Тоа беше првиот натпревар пред Светското првенство за нас. За првиот фаул на натпреварот добив жолт картон. Тешко е да се прифати. Ме фаулираат четири, пет, шест пати на натпревар. И секогаш ме третираат посебно. Добив удар во нозете во второто полувреме кога почнавме со контранапад. Типот ме фаулираше и не доби жолт картон. И случајно фаулирав дефанзивец, не го направив тоа намерно. Дури и застанав и му се извинив. Но, ми покажаа жолт картон. Таквите ситуации не можат да се контролираат. Не го удрив намерно. Понекогаш сакате да видите повеќе здрав разум, рече Нејмар.
На натпреварот одигран во вторникот во Париз беше стрелец на третиот гол (од пенал) за Бразил во 29. минута, а жолтиот картон го доби осум минути претходно.
Ново на Сител
-
СДСМ: Со изградбата на коридорите 8 и 10 најмалку 600 милиони евра за домашните комапнии
-
Ѓоковиќ стигна до полуфиналето на Ролан Гарос
-
Англиските фанови бараат тикет повеќе за финалето во Прага
-
Младост 96 шампиони на Македонија во пинг понг
-
Припадниците на Армијата ќе учествуваат на воена вежба во Србија
-
Владата го назначи Зоран Трифуновски за нов директор на Железници
-
Полицијата уапси битолчанка - во нејзиниот дом биле пронајдени 96 паковки со марихуана и амфетамин
-
Зеленски: Русија активираше бомба за масовно уништување на животната средина