Неисправна е водата за пиење од два селски водовода во Виничко
Локалните водоводи во виничките села Липец и Лески се бактериолошки загадени и водата не треба да се употребува за пиење, готвење или за одржување на личната хигиена.
Испитувањата на примероците од вода што ги извршил Центарот за јавно здравје од Кочани покажале недозволено присуство на колиформни бактерии, а во Лески е откриено и присуство на цревни ентерококи, ешерихија коли и псевдомона аеругиноза.
Како превентивна мерка, од Центарот препорачуваат населението да се извести со поставување писмени известувања дека водата е неисправна за користење.
По барање на локалната самоуправа на Виница, испитување на водоводите се направени и во селата Лаки, Истибања, Трсино, Калиманци, Крушево, Драгобраште и Пекљани, но, таму резултатите одговараат на законските прописи и стандарди.
Анализата на примероците покажала добри резултати во исправноста на водата од физичко-хемиски аспект кај сите девет селски водоводи, но препорачано е да се врши редовна дезинфекција со хлор за да се избегнат несакани последици.
Ново на Сител
-
Краделе нафта од паркирано возило, уапсени крадци во Кавадарци
-
МНР: Девет амбасадори известени за завршување на мандатот
-
Приведен криминалец во тетовско за издржување тригодишна затворска казна
-
Бугарија неповратно загуби 653 милиони евра од ЕУ фондовите поради неспроведени реформи
-
Трансродовите американски војници ќе бидат одвоени од војската освен во исклучителни ситуации
-
Арачиновец со пиштол се заканувал на вработени од ЕВН
-
Норис доминираше на првиот ден од тестовите во Бахреин
-
Аморим е добро заштитен доколку Јунајтед реши да го отпушти на лето