Неделна детална временска прогноза на УХМР за цела Македонија

Облачно и студено време вчера преовладуваше во Македонија, со умерен до засилен северен ветер.

Од денес утринските температури во поголемиот дел од земјата ќе бидат под нулата.

Од среда до петок преку денот ќе преовладува сончево време со мала до умерена локална облачност.

Утринските температури во поголемиот дел од земјава ќе се спуштат под нулата, а дневните ќе бидат во благ пораст.

В сабота ќе има зголемување на облачноста, а кон крајот на денот ќе има и локални врнежи од дожд, кои ќе продолжат и во текот на ноќта кон недела.

На повисоките планини (над 2000 м.н.в.) ќе има слаби проврнувања од снег.