Не ви треба факултетска диплома за да работите за Маск

Извршниот директор на „Тесла“ исто така вели дека ако некој завршил добар факултет, тоа може да биде показател за успех, но не секогаш. Тој ги зема како пример Бил Гејтс, Лери Елисон и Стив Џобс и шегувајќи се вели дека тие не дипломираа, но ако сте имале шанса да ги вработите, тоа би била паметна одлука.

Маск посочува дека кај потенцијалниот работник му е важна извонредната способност што ја поседува, односно она што го издвојува од другите.

Кога ги интервјуирал кандидатите, тој го барал резимето на нивните кариери, како и да опишат како ги решавале најтешките проблеми со кои се соочиле. За да биде сигурен дека нема да се фалат со достигнувањата на некој друг, Маск ги испитувал темелно, така што само оние што навистина се наоѓале во предизвикувачка ситуација можеле да одговорат на прашањата.