Не мислам дека врховниот лидер на Иран е мртов, туку дека е тешко ранет, вели Трамп

Американскиот претседател Доналд Трамп денеска изјави дека не смета оти врховниот лидер на Иран, Моџтаба Хаменеи, е мртов, туку дека е многу тешко ранет.

Говорејќи во емисијата на конзервативниот политички коментатор Глен Бек, Трамп истакна дека според неговите информации иранскиот лидер не е починат, туку претрпел сериозни повреди.

Моџтаба Хаменеи, син и наследник на иранскиот врховен лидер Али Хаменеи, ја презеде функцијата по смртта на својот татко, кој загина на првиот ден од војната започната на 28 февруари по израелско-американските напади врз Иран. Според иранските власти, тој бил ранет за време на истата офанзива во која загинаа и низа други високи претставници на иранското раководство. Откако беше именуван за врховен лидер, Моџтаба Хаменеи сè уште немал јавни настапи, а неговите ставови се објавуваат единствено преку пишани официјални соопштенија.

МИА