НБА:Г. Стејт без шанси против шампионот

Лос Анџелес Лејкерс го декласираа тимот на Голден стејт Вориорс со 128:97. Актуелните шампиони во еден период од натпреварот имаа предност од 36 поени.

 

Леброн Џејмс со трипл-дабл го предводеше тимот, но не беше најефикасен играч на натпреварот. Монтрезл Херел постигна 27 поени за Лејкерси, колку што на спротивната страна уфрли Стеф Кари. Леброн мечот го заврши со 22 поени, 10 скока и 11 асистенции. За најдобриот играч на Лејкерси ова е 10 трипл-дабл оваа сезона.

 

Денвер славеа победа над Индијана Пејсерс 121:106. Доминираше на овој меч Никола Јокиќ со 32 поени, 14 скокови и пет асистенции. За српскиот центар ова е 35 дабл-дабл во сезоната и 227 во кариерата. На вечната листа Јокиќ се израмни со легендарниот Дикембе Мутомбо. Јокиќ го доби директниот дуел со Домантас Сабонис кој имаше по 10 поени и скокови и девет асистенции.

 

Бредли Бил го доби дуелот на супер ѕвездите против Јанис Адетокубо, меѓутоа Милвоки ја однесоа победата над Вашингтон 133:122. Бил натпреварот го заврши со 37, а Јанис забележа трипл-дабл со 31 поен, 15 скокови и 10 асистенции.

 

Резултати:

 

Шарлот-Сакраменто 122:116

Детроит-Сан Антонио 99:109

Бруклин-Њујорк 117:112

Далас-ЛА Клиперс 99:109

Финикс-Мемфис 122:99